උසස් වෙන්න උසස් පෙළ...

අවුරුදු 13ක අත්දැකීම පැය කිහිපයකින් ලියන්නට නංගිලා මල්ලිලාගේ දවස උදා වුනි...විභාගයත් විටෙක අපුරුය, විටෙක රුදුරුය, විටෙක නපුරුය, විටෙක සොදුරුය...හී හී...
කොහොම වුනත් ඕනිම දෙයක් ජයගන්නට ඕනෑම කෙනෙක්ට වාසනාව ඔනී තරම් ඇත, ඉතින් අපෙනුත් සුබ පැතුම් ඔයාලට,

ඉතින් අපි විභාගේ ලියපු විදිහ දන්නවාද...

විභාගෙට කලින් හොදට ගාථා ආදිය කියා තිබුණු  නිසා මැත්ස් පේපරයට පිළිතුරු ලිවීම මදක් අවුල්ය, බුද්ධාගම පේපරයක් නම් A  එකක් කෙසේවෙතත් S අකුරක්වත් රිසල්ට් ශීට් එකට ගන්නට හැකියාව තිබුණි, කොහොම වුනත් පැය දෙක නොනිදා සිට පෑනේ තීන්ත අන්තිම බින්දුවට මදක් ඉහළින් කොළ කුරුටු ගෑ නිසා විනෝදයෙන් ස්ට්‍රයික් එකක් කරගෙන සිටීමේ වාසනාව උදා විය...

අපේ සෙට් එකේ එවුන්ට විභාගය ගැන තිබුණු ආකල්ප...

1) තමන්ට නිවුන් සහෝදරයෙක් සිටියානම් මාරුවෙන් මාරුවට පාඩම් කර එක්සැම් ගොඩ දාගත හැකි වීම.
2) විභාග පේපරයේ ටියුෂන් ක්ලාස් ගිය සර් ගේ ජීවන කතාව අසා ඇත්නම් සර්ටත් වඩා හොදට ලිවීමට හැකි වීම.
3) චිට් ලියන පොඩි කොළ කෑල්ලේ මෙන් බො‍හෝ දේවල් කෙටියෙන් ලියන්නට පුරුදු වීම නිසා බහුවර්ණ ප්‍රශ්න පත්තරේ හැර අනෙත් ඒවා ඉහල විභාග අංකයට පමණක් සීමා වීම.
4) අවසාන මිනිත්තු 15 ඇතුලත කෙසේ හෝ පවර් ප්ලේ එක ලබාගත යුතු බව හා විනිසුරුවන් නොමග යවා ඕවරෙන් එම් සී කිව් 60කට ඉරි ඇදීය යුතු බව.
5) විභාග දෙපාර්තමේන්තුවේ ගොඩ ගසා ඇති උත්තර පත්‍ර හදිස්සියේම ගින්නකට හසු වී දැවී යන අයුරු පෙර දිනකදී සිහිනෙන් දැක තිබීම.
6) හැරී පොටර්ට මෙන් මායා යෂ්ටියක් තිබුණොත් මිස පේපරේ කලින් දවසේ අවුට් වුනත් 100% නම් ගන්ඩ බෑ යන තීරණයේ ස්ථාවරව සිටීම.
7) තමන් ජනාධිපති ලෙස දිවුරුම් දුන්නොත් විභාග ක්‍රමය අහෝසි කර රටේ ළමුන්ට නිදහස හා සාමය ඇතිකරන බවට පොරොන්දු වීම.
8) කලින් දිනෙක පාඩම් කර ඇති දෙයක් පේපරයේ අසා තිබුණු විට මේ දකින්නේ සිහිනයක් දැයි කල්පනා කරමින් එක වරක් හෝ  අත කොනිත්තා ගැනීම.
9) හදිස්සියක් වී කලන්තයක් සැදුනොත් තව කෙනෙකුට පහසුවෙන් මුහුණට ඉසීමට හැකි වෙන පරිද්දෙන් මුඩියට වතුර පුරවා මේසයේ දකුණු කෙලවරේ ඉහළින් තැබීම.
10) අවසානයේ මේ සියල්ලම අමතක කර යන්තම් ඇති එකක් ඉවරායි  කියාගෙන ෆන් එකේ ධෛර්යෙන් යුතුව පොඩි නින්දක් දාන්නට ගෙදර ඒමට හැකිවීම...හේ හේ

ඒ කාලේනම් නම් ලොවෙත් සුපිරිය, සිටි යාලුවෝනම් ඊටත් එහාය, මතක් වෙනකොටත් තවපාරක් A/L ලියන්නට හිතේ, ....හැ මොකක්
.
.
.
.
.
අයෙත් විභාගේ, පිස්සුවක් ඇතෙයි ආපහු ලියන්න...හික්ස්...
ඔයාත් ආසයි නේද ආපහු ඒ කාලෙට යන්න....?